حكايه منقوله

كتير كنت ببقى زعلانه ومضايقه لكونى انسانه رومانسيه جدا وقلبى نقطه ضعفى الوحيده اللى بنكسر ادامها
وكنت كتير اتمنيت من ربنا انه يغير الصفه دى فيا بس لحد مااتطمنت ولقيت ان لسه فى ناس رومانسيه زيى ويمكن بزياده عنى كمان بس مالحقتش وافرح لانى شوفت ايه اخره البنى ادمين اللى زيى كده
وانا راح احكيلكم الحكايه
كان فى يوم من الايام وانا كنت بسمع الراديو فى برنامج اسمه انا والنجوم وهواك بيحكى عن مشاكل عاطفيه وكده وبيحاول حلها المهم كان فى اتصال واتصلت بنت رد اسامه مقدم البرنامج وقالها نتعرف عليكى ردت بصوت مرتعش وحزين بعمق وسالها اسامه بعد طبعا شويا كلام فى موضوع الحلقه وقالها انتى مرتبطه ياحنين قالت كنت مخطوبه قالها طيب وايه اللى حصل قالتله ناس الله يسامحهم بلغوه كلام عنى غير صحيح وهو صدقهم قالها وانتى فعلا عملتى كدا قالت ابدا طول عمرى بحبه وياما ساعدته ولسه بحبه لحد دلوقتى برغم كل اللى عمله معايا قالها يعنى ايه وقفتى جنبه وساعدتيه يعنى ازاى
قالته هوكان تعبان واحتاج لنقل كليه وانا اللى اتبرعت له بيها يعنى انا حته منى جواه ياااسامه قالها ياااااااااااااااااه وازاى قدر يسيبك ويعمل كده قالته انا روحت وبوست ايديه تخيل يااسامه بس عمرى ماحسيت انى مثلا اتزليت له بس انا كنت بدافع عن حبى لانى فعلا محتاجاه مش عشان يقف جنبى لانى مريضه اسامه وقفها قالها مريضه قالت ايوا سالها عن مرضها قالت جالها كنسر سرطان نتيجه نقل الكليه
صدمه
اسامه مقدرش يتكلم وانا اتصدمت وانا بسمع والبنت كانت بتتكلم بهدوء جدا من خلال صوتها الحزين
قالها لسه بتحبيها قالت له وهفضل احبه لحد اما ايامى الاخيره اللى بقضيها ومقدرش تكمل وقفلت
انا فضل الموضوع ده شغلنى كتير وانا افكر فى البنت وهى صعبانه عليا لحد بعدها بكام حلقه من البرنامج
واحده اتصلت على اسامه وقالت انها مامات حنين واترجت من خطيبها انه يرجعلها بس البنت بتقضيها ايام
وقالت كده بالحرف ودموع الام مش مفارقه الصوت ارجع لحنين فى ايامها الاخيره
وبعدها بكام حلقه اتصلت الام وقالت ان حنين ماتت!!!!!!!!!!!!!!!!!!!!!!!!!!
تفتكروا انسان زى ده ممكن يعيش طول حياته بذنب حنين
الاجابه طبعا لا لانه اساسا نسى تضحيته عشان وان فى حته منها جواه وانها مهما عملت ده لو كانت عملت كان حبها الكبير له اكيد كان يغفرلها اى غلطه انما هو قال كرامتى ومات الانسان جواه وحسبى الله ونعم الوكيل
ياترى انا كمان نهايتى من نهايتها بسبب رومانسيتى
ممكن ليه لا
__
ممكن تقولولى اذا كانت ممكن تكون حقيقه ولا قصه فى الخيال ولو حصلت ممكن واحده تضحى تقابل تضيحيتها بالقسوه دى

موضوع جميييل اوووي يا همسه وممكن يكون حصل حقيقه بس انا عايزه اقولك علي حاجه الانسان لما بيضحي مش بيستني مقابل للتضحيه ديه والا هتكون اي حاجه غير التضحيه وده اللي عملته حنين هيه ضحت من غير مقابل بدليل انها مستنتش منه اي حاجه وده مش وحش دا جميييل اوووي ربنا يرحمها ويسكنها جناته علي اللي هيه عملته انتي ليه بتقولي ان نهايتها وحشه ليه ديما بنبص علي نهايه الدنيا يا بنتي فيه اخره وهيه ديه النهايه وبعد اللي هيه عملته وبعد كل الالام اللي شافتها نهايتها هتكون حلوه ان شاء الله واجرها كبير اوووي عنده ويمكن ربنا رحمها واخدها عنده بدري وبلنسبه لانسان اللي كان خطبها انا مش بتكلم علي النوعيه ديه من الناس لانها متهمنيش ومتستاهلش اننا نتكلم عليها او نذكرها اللي المفروض نذكرها هيه حنين وندعليها دايما بلرحمه والرمانسيه مش عيب دي حاجه جميله علشان تتجنبي اي مشاكل متديش مشاعرك الا لانسان اللي يستحق طيب وده نعرفه ازاي قالنا عليه رسول الله صلي الله عليه وسلم من ترضونه دينه وخلقه مش معقول يكون عارف ربنا كويس ويعمل فيكي اي حاجه وحشه وربنا يوفقك ويوفقنا شكراااااااااااااااااااااااااااااااااااااااااااااااااااااااااااااااااااااااااااااااااااااا